SAYYOR QABUL – XALQ BILAN OCHIQ VA FAOL MULOQOT
Yurtimizda inson manfaatlarini ta’minlash uchun avvalo odamlar bilan, xalq bilan muloqot qilish, ularning dardu tashvishlari, orzu-niyatlari, hayotiy muammo va ehtiyojlarini yaxshi bilish kerakligiga alohida urg‘u berilmoqda.
Forish tuman hokimi, 1-sektor rahbari Ikrom Matiуev 1-sektor hududidagi “Bog‘don” mahallasida joylashgan 30-son madaniyat markazida mahalla aholisi bilan muloqot qilish, ularni qiynayotgan dardu tashvishlarini o‘rganish maqsadida navbatdagi sayyor qabulni o‘tkazdi.
Qabul jarayonida O‘zbekiston Respublikasi Prezidentining Forish tuman Xalq qabulxonasi mudiri Doston Jonadilov, tumandagi bir qator korxona, tashkilot, muassasalar rahbarlari ishtirok etdi.
Qabul jarayonida aholi tomonidan o‘zlarida mavjud bo‘lgan muammolar yuzasidan murojaat qilishdi.
Sayyor qabulda kelib tushgan murojaatlarning bir qismi tegishli tashkilotlar bilan hal etilgan bo‘lsa, qolgan qismi tegishli tashkilotlarga yo‘naltirilib, ijrosi nazoratga olindi.
Forish tuman hokimligi axborot xizmati.