FORISH TUMANIDA 2024 – 2025-YILLAR KUZ-QISH MAVSUMINI BETALOFAT O‘TKAZISH BORASIDA TARG‘IBOT TADBIRLARI O‘TKAZILMOQDA

Kuz-qish mavsumi eshik qoqib kelishi bilan tabiiy va texnogen tusdagi ofatlarni xavfsizligini ta’minlash yanada dolzarb masalaga aylanadi. Ana shu masalalarga keng jamoatchilikni e’tiborini qaratish va favqulotda vaziyatlarni oldini olish maqsadida Forish tumanida tuman favqulotda vaziyatlar bo‘limi va boshqa mutasaddi tashkilotlar aholi o‘rtasida targ‘ibot tadbirlarini olib borishmoqda.

Ushbu targ‘ibot tadbirlari davomida aholiga kuz-qish mavsumida isitish vositlaridan to‘g‘ri foydalanish, yong‘in xavfsizligiga rioya qilish va boshqa ko‘plab masalalar bo‘yicha tushunchalar olib borilib, turli targ‘ibot materiallari ham tarqatilayapti.

Jumladan, Forish tuman favqulotda vaziyatlar bo‘limi, tuman elektr tarmoqlari korxonasi, “Forishtumangaz” gaz ta’minoti korxonasi xodimlari tumandagi “O‘zbekiston” mahallasida ko‘p qavatli uylarda yashovchi aholi o‘rtasida sodir bo‘lishi mumkin bo‘lgan holatlarning oldini olish, is gazidan zaharlanishga yo‘l qo‘ymaslik, elektr energiyasi va boshqa isitish vositalaridan to‘g‘ri foydalanish yuzasidan targ‘ibot tadbirlarini olib borishdi.

Tadbir davomida turli plakat va qo‘llanmalar ham tarqatildi.

Forish tuman hokimligi axborot xizmati.