“QONUN HAMISHA USTUVOR” LOYIHASI DOIRASIDA

Forish tuman adliya bo‘limi va “Forish tongi” gazetasi bilan hamkorlikda Xalq deputatlari Jizzax viloyat Kengashi huzuridagi NNT va fuqarolik jamiyatining boshqa institutlarini qo‘llab-quvvatlash, jamoat fondining “Qonun hamisha ustuvor” grand loyihasi doirasida Forish tumanining eng chekka va uzoq mahallasi bo‘lgan "Do‘stlik”" mahallasida targ‘ibot tadbiri tashkil etildi.

Tadbirda Forish tuman adliya bo‘limi boshlig‘i Oybek Yo‘ldoshev so‘zga chiqib, aholiga korrupsiya muammosi va unga qarshi kurash masalasi hozirgi davrning eng dolzarb vazifalaridan biri hisoblanishi, bu illatning keng quloch yoyishi o‘ta salbiy oqibatlarga olib kelishi, korrupsiya xususan, demokratik jarayonlarning amalga oshishiga to‘sqinlik qilishi, iqtisodiy rivojlanishning sekinlashishiga, oqibatda barcha sohalarning oqsashiga, uyushgan jinoyatchilikning ildiz otishiga, hukumatga bo‘lgan ishonch yo‘qolishiga va ijtimoiy-siyosiy beqarorlikka sabab bo‘lishi, korrupsiyaga qarshi kurashishga barcha fuqarolar faol ishtirok etishi lozimligini ta’kidladi.

Shuningdek, targ‘ibot tadbirida “O‘zbekiston Respublikasining “Manfaatlar to‘qnashuvi” to‘g‘risida”gi qonuni haqida ham ma’lumotlar berildi.

Forish tuman hokimligi axborot xizmati.