MAHALLANING TURIZM SALOHIYATINI RIVOJLANTIRISH MASALALARI O‘RGANILDI

Forish tumani 1-sektor hududidagi “Uchma” mahallasi o‘zining toza havosi, zilol suvlari va so‘lim tabiati bilan har qanday kishini o‘ziga tortadi.

“Uchma” mahallasida turizm sohasini rivojlantirish imkoniyatlari keng. Respublika ishchi guruhi a’zolari “Uchma” mahallasida bo‘lishib, mahallada turizm sohasini rivojlantirish va shu hisobdan mahallada vaqtincha ish bilan band bo‘lmagan aholini daromadli ish bilan ta’minlash imkoniyatlarini atroflicha o‘rganishdi.

“Xonadonbay” yurish orqali turizm bilan shug‘ullanishning katta imkoniyatlari haqida aholiga batafsil tushunchalar berishdi.

O‘rganish davomida mahallada turizmni rivojlantirish, shu hisobdan vaqtincha ish bilan band bo‘lmagan aholini doimiy daromadli ish bilan ta’minlash yuzasidan taklif va tavsiyalar berildi.

Forish tuman hokimligi axborot xizmati.