FORISH QOVUNLARI – XORIJGA

 O‘zining tabiiy toza, shirin-shakar uzumlari-yu qora kishmish mayizlari bilan dong taratgan forishliklar, bugun tilimi tilni yoradigan mazali qovun-tarvuzlari bilan ham nom qozonmoqda.

Bundan to‘rt-besh yil oldin Forish qovunlari xorijga eksport qilinadi, desa ko‘pchilik ishonmasdi. Bugun esa Forishning mazali qovun-tarvuzlari xorij bozorlarini egallayotgani bor haqiqat.

Forish tumani 1-sektor hududidagi “Uchma” mahallasi hududida faoliyat yuritayotgan “Jo‘rabek asil chorvasi” fermer xo‘jaligi a’zolari bu yil erta ko‘klam 70 gektar yerga qovun-tarvuz ko‘chati ekishib, parvarishlashdi. Bugun qilingan samarali mehnat o‘z samarasini ko‘rsatib turibdi.

Fermer xo‘jaligi a’zolari yetishtirilgan qovunlarni xorijga eksport qilishni boshlab yuborishdi.

Forish tuman o‘simliklar karantini inspektorlari tomonidan “Jo‘rabek asil chorvasi” fermer xo‘jaligida fitosanitar dala nazoratini o‘tkazishib, qovunlar sifatiga yuqori baho berishdi.

Fermer xo‘jaligi a’zolari dastlabki 40 tonnadan ziyod qovunlarni Ukraina va Polsha davlatlariga eksport qilishdi.

Forish tuman hokimligi axborot xizmati.