HAR BIR MUROJAATDA INSON TAQDIRI

Forish tuman hokimi, hokim o‘rinbosarlari tomonidan har hafta aholi qabullari o‘tkazilib, unda aholi muammolari tinglanmoqda va ularni tegishli korxona, tashkilot, muassasalar rahbarlari ishtirokida hal etish yo‘llari izlanmoqda.

Bu galgi aholi qabuli tuman hokimining yoshlar siyosati, ijtimoiy rivojlanish va ma’naviy-ma’rifiy ishlar bo‘yicha o‘rinbosari Abdumannon Saidxonov tomonidan o‘tkazildi.

Unda fuqarolar tomonidan uy-joy uchun kredit olishda ko‘maklashish, bandlikni ta’minlash, davolanishda yordam ko‘rsatish, kadastr hujjatlarini rasmiylashtirishda yordam berish va shu kabi masalalar yuzasidan murojaatlar bo‘ldi.

Aholi tomonidan bildirilgan murojaatlar tegishli korxona, tashkilot, muassasalar rahbarlariga topshirilib, ijrosi nazoratga olindi.

Forish tuman hokimligi axborot xizmati.