AHOLI MUROJAATLARI TINGLANDI
Jizzax viloyat ichki ishlar boshqarmasi boshlig‘i, general-mayor G‘ayrat Qodirov Forish tuman 3-sektor hududidagi “Oybek” nomli mahallada ommaviy sayyor qabul o‘tkazdi. Mahallada joylashgan 33-umumta’lim maktabida tashkil etilgan ommaviy sayyor qabulda Forish tuman hokimi Ikrom Matiev, sektor rahbarlari, O‘zbekiston Respublikasi Prezidentining Forish tuman Xalq qabulxonasi mudiri Doston Jonadilov, mutasaddi tashkilotlar rahbarlari ishtirok etishdi.
Ommaviy sayyor qabulda 13 nafar fuqarolar tabiiy gaz ta’minoti, mahalla ichki yo‘llarini ta’mirlash, davolanishda ko‘maklashish, bandlikni ta’minlash va boshqa bir qator masalalar bo‘yicha murojaat qildilar. Tegishli tashkilot rahbarlari ishtirokida fuqarolar tomonidan bildirilgan murojaatlarni hal etish yo‘llari izlandi.
Ommaviy sayyor qabulda “Yoshlar daftari”ga kiritilgan oliy ta’lim muassasalarida o‘qiyotgan 5 nafar yoshlarni kontrakt to‘lovlarini, “Kelajak kasblari” loyihasi doirasida o‘quv kursida o‘qiyotgan 2 nafar yoshlarni to‘lovlarini to‘lab berish yuzasidan sertifikatlar topshirildi.
Forish tuman hokimligi axborot xizmati.