FORISH TUMANINING “EGIZBULOQ” MAHALLASIDA SAYYOR QABUL O‘TKAZILDI

Jizzax viloyati Adliya boshqarmasi boshlig‘i o‘rinbosari Bekzod Pirxalov Forish tumanining 3-sektor hududidagi “Egizbuloq” mahallasida sayyor qabul o‘tkazdi.

Sayyor qabulda tuman hokimining yoshlar siyosati, ijtimoiy rivojlanish va ma’naviy-ma’rifiy ishlar bo‘yicha o‘rinbosari Abdumannon Saidxonov, tumandagi bir qator tashkilot rahbarlari ishtirok etishdi.

“Egizbuloq” mahallasida joylashgan 32-son “Chamanzor” madaniyat markazida tashkil etilgan sayyor qabulda 21 nafar fuqarolar o‘zlarini qiynayotgan masalalar yuzasidan murojaat qildilar.
Sayyor qabul davomida tuman Adliya bo‘limi davlat xizmatlari markazi xodimlari tomonidan mahalla aholisiga davlat xizmatlari ham ko‘rsatildi.

Forish tuman hokimligi axborot xizmati.