SOG‘LOM OVQATLANISH SALOMATLIK GAROVI
Forish tumani 3-sektor hududidagi “Oqtom” mahallasida joylashgan “Mehnatobod” oilaviy shifokorlik punkti tomonidan “Sog‘lom ovqatlanish salomatlik garovi” mavzusida targ‘ibot tadbiri tashkil etildi.
O‘zbekistonda aholi orasida yuqumli bo‘lmagan kasalliklarning oldini olish, sog‘lom turmush tarzini shakllantirish va jismoniy faollik darajasini oshirish maqsadida “to‘g‘ri ovqatlanish va sog‘lom turmush tarzi” umummilliy harakati yo‘lga qo‘yilgan.
Bundan ko‘zlangan maqsad aholi, ayniqsa, yoshlar, ayollar va keksalar orasida sog‘lom ovqatlanishni tashkil qilish va jismoniy faollikni targ‘ib qilish orqali yuqumli bo‘lmagan kasalliklarning oldini olish, zararli odatlar va nosog‘lom turmush tarzini kechirish oqibatlari bo‘yicha axborot targ‘ibot ishlarini olib borishdan iborat.
Targ‘ibot tadbirida tuman sanitariya epidemiologiya osoyishtalik va jamoat salomatligini saqlash bo‘limi xodimlari S.Suvonova, “Oqtom” mahallasi xotin-qizlar faoli D.Rahmonovalar sog‘lom ovqatlanish va uning inson salomatligidagi muhim o‘rni uning inson salomatligidagi muhim o‘rni haqida batafsil ma’lumotlar berishdi.
Tadbir nihoyasida mahallada yashovchi qirq yoshdan oshgan 10 nafar fuqarolar tibbiy ko‘rikdan o‘tkazildi.
Gulnoz IKROMOVA,
“Mehnatobod” OSHP mudirasi, Xalq deputatlari Forish tuman Kengashi deputati.
