ATOQLI ADIB VA JAMOAT ARBOBI, YOZUVCHI SHAROF RASHIDOVNING HAYOTI VA IJODIY FAOLIYATIGA BAG‘ISHLANDI

Sharof Rashidov – bu nom har bir O‘zbekistonlik uchun aziz va qadrli. Uning hayoti va ijodiy faoliyatini chuqur o‘rganib borilishi yoshlarni barkamol, vatanparvar qilib voyaga yetkazishda ibrat maktabi bo‘lib xizmat qiladi.

Forish tumani 1-sektor hududidagi “Bog‘don” mahallasida joylashgan Amir Temur nomli 1-umumta’lim maktabida tuman axborot kutubxona markazi xodimlari tomonidan atoqli adib va jamoat arbobi, yozuvchi Sharof Rashidovning hayoti va ijodiy faoliyatiga bag‘ishlangan “Elni siylaganni el siylaydi” deb nomlangan davra suhbati tashkil etildi.

Davra suhbati davomida o‘quvchilarga atoqli davlat va jamoat arbobi, yozuvchi Sharof Rashidovning hayoti hamda uning xalqimiz sevib mutolaa qiladigan badiiy asarlari haqida batafsil ma’lumotlar berildi.

Forish tuman hokimligi axborot xizmati.