ATOQLI ADIBNING KITOB TAQDIMOTI

Forish tuman axborot-kutubxona markazi xodimlari tomonidan 1-umumta’lim maktab kitobxonlari o‘rtasida Davlat va jamoat arbobi, yozuvchi Sharof Rashidovning "Kashmir Qo‘shig‘i" kitobining yangi nashri yuzasidan kitob taqdimoti tashkil qilindi.

Tuman axborot kutubxona markazi xodimi Mahbuba Ayasova hamda 1-umumta’lim maktabining ona tili va adabiyot fani o‘qituvchisi B. Bo‘ltakova davlat arbobi, o‘zbek yozuvchisi Sharof Rashidov hayoti va ijodi hamda "Kashmir Qo‘shig‘i" kitobi haqida kitobxonlarga so‘zlab berdi.

"Ushbu kitob Kashmir xalqining qadimiy sevgi dostoni asosida yozilgan. Ushbu dostonga iste’dodli shoir, bastakor va o‘qituvchi Dina Natx Nadim musiqa yaratgan. Bu ajoyib dostonni yaxshi biladigan kashmirliklar bilan qilingan suhbatlar meni bu qissani yozishga ilhomlantirdi" deb yozadi yozuvchi.

Forish tuman hokimligi axborot xizmati.