O‘LKASHUNOSLIK MUZEYIGA SAYOHAT

Forish tumanidagi Oybek nomli, Bog‘don, O‘zbekiston mahallalarida yashovchi, “Ayollar daftari”ga kiritilgan ijtimoiy himoyaga muhtoj 30 nafar xotin-qizlar Forish tumani oila va xotin-qizlar bo‘limi tashabbusi bilan tumandagi 30-son madaniyat qoshida tashkil etilgan “O‘lkashunoslik” muzeyiga sayohat qilishdi.

Sayohat davomida muzey faoliyati va yangi ko‘rgazmali ekspozitsiyalar to‘g‘risida muzey xodimi tomonidan batafsil ma’lumotlar berildi.

Ular ushbu muzeyga qo‘yilgan turli eksponatlar bilan ham yaqindan tanishishdi. Ayniqsa, muzeydagi Forish tumani tarixiga oid eksponatlar sayohatchilarda katta taassurot qoldirdi.

Forish tuman hokimligi axborot xizmati.