EKSTREMIZM, TERRORIZM VA UNING SALBIY OQIBATLARI
Forish tumani 2-sektor hududidagi “Garasha” mahallasida joylashgan 80-ixtisoslashtirilgan maktabda yoshlar o‘rtasida ekstremizm va terrorizmga qarshi kurash, uning yoshlar kelajagiga tahdidi hamda salbiy oqibatlari mavzusida ma’naviy-ma’rifiy tadbir o‘tkazildi.
Tadbirda Forish tuman ichki ishlar bo‘limi terrorizmga qarshi kurash guruhi tezkor vakillari Javohir Shodiyev va Umid Ibragimovlar so‘zga chiqishib, aqidaparastlik, terrorizmning og‘ir oqibatlari haqida yoshlarga so‘zlab berishdi.
Tadbirda tashkillashtirilgan bu uchrashuv juda muhim ekanligi va har bir yosh bu dolzarb muammolarni ongiga singdirmog‘i va hayotga tadbiq qilmog‘i zarur deb ta’kidlash asnosida yoshlar o‘rtasida turli yot g‘oyalarning oldini olish, ularni ekstremizm va terrorizmning asl maqsadi hamda globallashuv davrida milliy g‘oyaning yoshlar ruhiyatida aks ettirish xususida targ‘ibot-tashviqot ishlari olib borildi.
Forish tuman hokimligi axborot xizmati.
Тавсия этамиз:
