MAHALLADA SAYYOR QABUL

Forish tuman ichki ishlar bo‘limi boshlig‘i, 3-sektor rahbari Qahramon Nazarov 3-sektor hududidagi “Oqtepa” mahallasida aholi muammolarini o‘rganish va hal etish yuzasidan sayyor qabul o‘tkazdi.

Mahallada joylashgan 6-umumta’lim maktabida tashkil etilgan sayyor qabulda Xalq deputatlari Forish tuman Kengashi deputati Amir Nishonov, O‘zbekiston Mahallalar uyushmasi Forish tuman bo‘limi boshlig‘i Shavkat Islomov hamda bir qator korxona, tashkilot, muassasalar rahbarlari ishtirok etishdi.

Sayyor qabulda ishtirok etgan fuqarolar tomonidan elektr energiyasi ta’minotidagi uzilishlar, uy-joyni ta’mirlashda ko‘maklashish, ichki yo‘llarni ta’mirlash, mahallaga internet tarmog‘i tortish va boshqa shu kabi masalalar bo‘yicha murojaatlar bo‘ldi. Ushbu murojaatlarning aksariyati sayyor qabulda ishtirok etgan tegishli tashkilotlar tomonidan joyida hal etildi.

Muddat va o‘rganish talab etadigan murojaatlar tegishli tashkilotlarga yuborilib, ijrosi nazoratga olindi.

 Sayyor qabuldan keyin aholi tomonidan bildirilgan ayrim murojaatlar joylarga chiqqan holda ham o‘rganildi.

Forish tuman hokimligi axborot xizmati.