AHOLI MUROJAATLARI TINGLANDI
Forish tuman hokimining moliya iqtisodiyot va kambag‘allikni qisqartirish masalalari bo‘yicha birinchi o‘rinbosari Shavkat Uzoqov aholi muammolarini o‘rganish va uni hal etish maqsadida navbatdagi sayyor qabulni tumanning 1-sektor hududidagi “Bog‘don” mahallasida o‘tkazdi.
Mahallada joylashgan 30-son madaniyat markazida o‘tkazilgan navbatdagi sayyor qabulda tegishli korxona, tashkilot, muassasalar rahbarlari, mahalla mutasaddilari ishtirok etdi.
Sayyor qabulda subsidiya olishda ko‘maklashish, kredit ajratishda yordam ko‘rsatish va boshqa masalalarda fuqarolar murojaatlari tinglandi.
Tegishli tashkilotlar rahbarlari ishtirokida fuqarolar murojaatlari o‘rganildi, qonuniy tomondan yondashilib, har bir murojaat uchun mas’ul rahbarlarga topshiriqlar berildi.
Qo‘shimcha o‘rganish va muddat talab etadigan murojaatlar tegishli tashkilotlar rahbarlariga topshirilib, ijrosi nazoratga olindi.
Forish tuman hokimligi axborot xizmati.
