SAMARQANDGA SAYOHAT
O‘zbekiston Respublikasi Vazirlar Mahkamasining 2020 yil 28 maydagi "Keksalarni davlat tomonidan qo‘llab-quvvatlash tizimini yanada takomillashtirishning qo‘shimcha chora-tadbirlari to‘g‘risida"gi 340-sonli qarorida har yili noyabr oyida mamlakatimizda "Keksalar turizm oyligi"ni o‘tkazish belgilangan. Ushbu qaror asosida 2023 yilning 17 noyabr kuni Forish tumanidagi bir guruh keksa avlod vakillari va faxriylari respublikamizning qadimiy va navqiron shahri Samarqand shahriga sayyohati tashkil etildi.
Sayyohat davomida ular Samarqand shahridagi M.Ulug‘bek rasadxonasida, Hazrati Hizr majmuasida, Go‘ri Amir maqbarasida, Bibixonim madrasasida, Shohi Zinda majmuasida, Registon maydonida bo‘lishdi va shaharning boshqa diqqatga sazovor joylari bilan tanishishdi.
Forish tuman hokimligi axborot xizmati.