ANIQLANGAN KAMCHILIK VA MUAMMOLAR BARTARAF ETILMOQDA

Ayni kunda Forish tumanida ham respublika ishchi guruhi tomonidan 2023 – 2024 kuz-qish mavsumini betalofat o‘tkazish yuzasidan o‘rganish ishlari olib borilib, aniqlangan kamchilik va muammolarni bartaraf etish choralari ko‘rilmoqda.

Jumladan, ishchi guruhlar tomonidan tumanning 1-sektor hududidagi Amir Temur nomli mahallaning Yotoq qishlog‘ida joylashgan 25-umumta’lim maktabini elektr havo tarmog‘ini ta’mirlash, “Bog‘don” mahallasidagi tabiiy gaz tarmoqlarini tartibga keltirish va “Bog‘don” va “Xonbandi” mahallalaridagi gaz taqsimlash uskunalari eshiklariga qulf o‘rnatish kabi bir qator kamchiliklarni bartaraf etish yuzasidan ko‘rsatmalar berilgan edi.

Ana shu ko‘rsatilgan kamchiliklar yuzasidan tegishli mutasaddi tashkilotlar tomonidan ishlar olib borilib, kamchilik va muammolar bartaraf etildi.

Forish tuman hokimligi axborot xizmati.