АHOLINING IJTIMOIY EHTIYOJMAND TOIFALARINI 2024-YILDA ISHGA JOYLASHTIRISH UCHUN ISH O‘RINLARINI ENG KAM SONINI BELGILASH TO‘G‘RISIDA

Tuman hokimining qarori

АHOLINING IJTIMOIY EHTIYOJMAND TOIFALARINI 2024-YILDA ISHGA JOYLASHTIRISH UCHUN ISH O‘RINLARINI ENG KAM SONINI BELGILASH TO‘G‘RISIDA

O‘zbekiston Respublikasining 2020-yil 20-oktyabrdagi “Аholi bandligi to‘g‘risida”gi Qonuni (OʼRQ 642-son)ning 39-moddasi, O‘zbekiston Respublikasi Vazirlar Mahkamasining 2017-yil 5-dekabrdagi 965-sonli qarori bilan tasdiqlangan “Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish o‘rinlarining eng kam sonini belgilash va zaxiraga qo‘yish tartibi to‘g‘risida”gi nizomga asosan “Аholining ijtimoiy ehtiyojmand toifalari”ni ishga joylashtirish bo‘yicha qo‘shimcha kafolatlari”ga asosan Forish tuman hududidagi korxona va tashkilotlarda 2023-yil mobaynida aholining ijtimoiy ehtiyojmand toifalarini uchun ish o‘rinlarini band qilib qo‘yish maqsadida O‘zbekiston Respublikasi Mahalliy davlat hokimiyati to‘g‘risidagi qonunining 6-, 25-moddalariga asosan

QАROR QILАMАN:

1. O‘zbekiston Respublikasining O‘RQ 642-sonli “Аholi bandligi to‘g‘risida”gi Qonunining 39-moddasiga muvofiq, “Аholining ijtimoiy ehtiyojmand toifalari”ni ishga joylashtirish uchun ish o‘rinlarining eng kam sonini belgilash to‘g‘risidagi Qonunga asosan, tashkilotlarning ro‘yxatdagi xodimlari o‘rtacha soni yigirma nafar kishidan ortiqni tashkil etadigan korxona, tashkilot va muassasalarda xodimlarning ro‘yxatdagi o‘rtacha sonining 7 foiz miqdorigacha, (shu jumladan, nogironlar uchun 3 foiz) jami 75 ta ish o‘rinlarini zaxiralash 1-ilovaga va maxsus komissiya tarkibi 2-ilovaga muvofiq tasdiqlansin.
2. O‘zbekiston Respublikasining “Аholi bandligi to‘g‘risida”gi Qonunining 39-moddasiga asosan, aholining ijtimoiy ehtiyojmand toifalarini ishga joylashtirish uchun ish o‘rinlarining eng kam sonini belgilash uchun korxona va tashkilotlarda joriy yilda ishga joylashtirilgan shaxslarni ish o‘rinlari 2024-yil uchun band qilib qo‘yiladigan ish o‘rinlari sonini belgilashda hisobga olinsin.
3. a) 14 yoshga to‘lmagan bolalari, nogironligi bo‘lgan bolalari bor yolg‘iz otaga yoki onaga, shuningdek ko‘p bolali, ota-onalar uchun 7 foiz (44 kishi);
4. b) Umumiy o‘rta va o‘rta maxsus, taʼlim tashkilotlarini kasb-hunar maktablarini, kasb-hunar kollejlarini hamda texnikumlarni tamomlab, kasbga ega bo‘lmagan yoshlar, “Mehribonlik” uylarining bitiruvchilari, shuningdek oliy taʼlim muassasalarining davlat grantlari asosida taʼlim olgan bitiruvchilari uchun 7 foiz (22 kishi);
5. v) O‘zbekiston Respublikasi Mudofaa vazirligining, Ichki ishlar vazirligining, Favqulodda vaziyatlar vazirligining, Milliy gvardiyaning Davlat xavfsizlik xizmatining qo‘shinlaridagi muddatli harbiy xizmatdan bo‘shatilgan shaxslar uchun 7 foiz (3 kishi);
6. g) nogironligi bo‘lgan shaxslar uchun 3 foiz ( 2 kishi);
7. d) pensiya oldi yoshidagi shaxslar uchun 3 foiz (2 kishi);
8. e) jazoni ijro etish muassasalaridan ozod qilingan yoki sudning qaroriga ko‘ra tibbiy tusdagi majburlov choralari qo‘llanilishidan ozod qilingan shaxslar uchun, 7 foiz ( 2 kishi);
9. Shaxslarning ko‘rsatib o‘tilgan toifalari uchun ish o‘rinlari sanitariyagigiyena meʼyorlariga va xodim o‘z mehnat majburiyatlarini to‘siqsiz bajarishini taʼminlaydigan mehnat qilish sharoitlariga muvofiq bo‘lishi kerak.
10. Korxona, tashkilot va muassasa rahbarlari yil boshlanishidan oldin 10 kundan kechikmay muhtojlarni ishga joylashtirish uchun zaxiraga qo‘yiladigan ish o‘rinlari umumiy sonining kamida 25 (yigirma besh) foizi miqdorida ish o‘rinlari zaxiraga qo‘yilishini taʼminlansin.
11. Muhtojlar uchun ish o‘rinlarining qolgan qismini zaxiraga qo‘yish tashkilot (ish beruvchi) tomonidan kalendar yilning birinchi choragi mobaynida taʼminlansin, bu haqda tuman Kambag‘allikni qisqartirish va bandlikka ko‘maklashish bo‘limi birinchi chorak yakuni bilan 10 kun ichida xabardor qilinsin.

Har oyda hisobot oyidan keyingi oyning 5 sanasigacha tuman Аholi bandligiga ko‘maklashish Markaziga Nizomning 5-ilovasidagi shaklga muvofiq ishga joylashtirish to‘g‘risida axborot taqdim etib borilsin.

6. Ijtimoiy muhofazaga muhtoj va ish qidirishda qiynalayotgan shaxslar uchun band qilib qo‘yish sonidan ortiqcha ish o‘rinlari tashkil etilgan taqdirda ijtimoiy ehtiyojmand aholi qatlamlariga mansub shaxslarni kvotalangan eng kam sondan ortiq miqdorda ishga qabul qilgan tashkilotlarga – har bir xodim uchun 12 oy davomida har oyda eng kam oylik ish haqqining 2 baravari miqdorida haq to‘lansin.
7. Tuman Kambag‘allikni qisqartirish va bandlikka ko‘maklashish bo‘limi mazkur qaror kuchga kirgandan so‘ng uni bajarmagan tashkilotning mansabdor shaxslari javobgarlikka tortilishi haqida joriy yilning 15-noyabridan kech bo‘lmagan muddatda tashkilotlarning e’tiboriga yetkazilishini taʼminlasin.
8. Mazkur qaror “Forish tongi” gazetasida nashr qilinsin hamda Forish tumani hokimligining www.forish.jizzax.uz − rasmiy veb-saytiga joylashtirilsin.
9. Ushbu qaror rasman eʼlon qilingan kundan eʼtiboran kuchga kiradi.
10. Mazkur qarorning ijrosini nazorat qilish tuman hokimining birinchi o‘rinbosari Sh.Uzoqov zimmasiga yuklatilsin.

Tuman hokimi  Ikrom MATIYEV.

2023 yil 20 oktabr, Bog‘don shaharchasi.