FORISH TUMAN HOKIMI MAHALLALARDA BO‘LIB, IJTIMOIY SOHA OB’EKTLARINING QISHGA TAYYORGARLIK HOLATINI O‘RGANMOQDA
Forish tuman hokimi Ikrom Matiev tumandagi mahallalarda bo‘lib, mahallalarda joylashgan umumta’lim maktablari, maktabgacha ta’lim tashkilotlari va tibbiyot muassasalarining kuz-qish mavsumiga tayyorgarligi, kuz-qish mavsumini betalofat o‘tkazish uchun jamg‘arilgan ko‘mir va boshqa yoqilg‘ilarning saqlanish holatini o‘rganib bormoqda.
Jumladan, tuman hokimi tumanning 1-sektor hududidagi “Uchma” mahallasida bo‘lib, mahalla hududidagi Deriston, Uchma, Yuqori Uchma qishloqlarida joylashgan umumta’lim maktablari va maktabgacha ta’lim tashkilotlarining kuz-qish mavsumiga tayyorgarlik holatini atroflicha o‘rgandi. Ta’lim muassasalari rahbarlari bilan suhbatlashdi. Kuz-qish mavsumida umumta’lim maktablari, maktabgacha ta’lim tashkilotlari xonalarini muntazam issiq bo‘lishini ta’minlash, jamg‘arilgan yoqilg‘idan tejab-tergab, isrofgarchiliksiz foydalanish va mavsum davomida birorta ham ko‘ngilsiz holatlarga yo‘l qo‘ymaslik yuzasidan ko‘rsatma va topshiriqlar berdi.
Forish tuman hokimligi axborot xizmati.