МУҲИМ ВАЗИФАЛАР МУҲОКАМАСИ

Ўзбекистон Республикаси Бош вазир ўринбосари Зулайҳо Маҳкамова раислигида ZOOM платформаси орқали йиғилиш ўтказилди. Мазкур йиғилишда Фориш туман оила ва хотин-қизлар бўлими мутахассислари, тумандаги барча маҳалла хотин-қизлар фаоллари онлайн иштирок этишди.
Йиғилишда Ўзбекистон Республикаси Президентининг 27 июлдаги “Ўзбекистон Республикаси Давлат мустақиллигининг ўттиз икки йиллик байрамига тайёргарлик кўриш ва уни юқори савияда ўтказиш тўғрисида”ги ПҚ-241-сон қарори ва “Янги ҳаёт учун, Янги Ўзбекистон учун!” деган бош ғояни ўзида мужассам этган ташкилий амалий, маънавий-маърифий тадбирлар ҳамда тарғибот – ташвиқот ишлари, ва “Соғлом оила – соғлом турмуш тарзи” тамойили асосида соғлом оилани шакллантириш, аҳолининг репродуктив саломатлигини мустаҳкамлашга оид чора-тадбирлар тўғрисидаги масалалар қараб чиқилди.
Шунингдек, хорижда меҳнат қилаётган хотин-қизларнинг ҳуқуқлари ва қонуний манфаатларини ҳимоя қилиш, Ўзбекистон Республикасининг “Хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизимини янада такомиллаштириш муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги ЎРҚ-829-сон қонун ижросини таъминлашда маҳаллалардаги хотин-қизлар фаолларининг вазифалари ҳамда соҳада амалга оширилаётган ишлар сарҳисоби тўғрисидаги масалалар ҳам муҳокама этилди.
Фориш туман ҳокимлиги ахборот хизмати.