ПРЕЗИДЕНТ ҚАРОРИ ИЖРОСИ ТАЪМИНЛАНМОҚДА

 Фориш туманида Ўзбекистон Республикаси Президентининг 2023 йил 2 майдаги “2023-2025 йилларда Жиззах вилоятини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида”ги ПҚ-146-сон қарори ижросини таъминлаш мақсадида ижтимоий соҳа объектларини қуриш ва реконструкция қилиш, йўл ва муҳандислик коммуникация тармоқларини ривожлантириш борасидаги ишлар изчил давом эттирилмоқда.
Фориш тумани, 1-сектор ҳудудидаги “Боғдон” маҳалласида ҳам аҳоли кайфиятига салбий таъсир этаётган муаммоларни бартараф этиш борасида туман ҳокимлиги ташаббуси билан бир қатор ишлар амалга ошириляпти.
Жумладан. Айни кунда “Боғдон” маҳалласидаги “Ойбек” номли, Ҳамид Олимжон номли ва “Зиёкор” кўчаларида таъмирлаш, кенгайтириш ишлари олиб борилмоқда.
Бу ишларни Фориш туман автомобил йўллардан фойдаланиш давлат унитар корхонаси жамоаси амалга оширилмоқда.
Фориш туман ҳокимлиги ахборот хизмати.