ЯНГИЛАНАЁТГАН КОНСТИТУЦИЯГА БАҒИШЛАНГАН ТАРҒИБОТ ТАДБИРИ ЎТКАЗИЛДИ

Фориш тумани, 3-сектор ҳудудидаги “Эгизбулоқ” маҳалласида жойлашган 15-умумталим мактабида Янги Ўзбекистоннинг янгиланаётган Конституциясига бағишлаб “Конституция меники, сеники, бизники! Конституция ўзимизники” шиори остида тарғибот тадбири ўтказилди.
Тарғибот тадбирида Фориш туман Адлия бўлими бошлиғи Ойбек Йўлдошев, Халқ депутатлари туман Кенгаши депутати Музаффар Қозоқовлар сўзга чиқиб, Ўзбекистон Республикасининг янгиланаётган Конституцияси, унга киритилаётган ўзгариш ва қўшимчалар ҳақида батафсил сўз юритдилар. Шунингдек, конституциявий ислоҳотларда “Инсон – жамият – давлат” деган тамойил илгари сурилгани, мамлакатимизда инсон қадри, ҳақ-ҳуқуқлари, шаъни ҳар нарсадан устун эканлигини ҳам қайд этиб ўтишди.

Фориш туман ҳокимлиги ахборот хизмати.