“YASHIL MAKON” UMUMMILLIY LOYIHASI

Kecha muhtaram Prezidentimiz raisligida “Yashil makon” umummilliy loyihasi doirasida amalga oshirilgan ishlar natijadorligi va kelgusidagi ustuvor vazifalar yuzasidan videoselektor yig‘ilishi bo‘lib o‘tdi. Ushbu yig‘ilishda “Yashil makon” umummilliy loyihasi doirasida amalga oshiriladigan ishlar belgilab berildi.

Forish tumanida ham “Yashil makon” umummilliy loyihasi doirasida ko‘chat ekish, bog‘ va yashil maydonlar tashkil etish borasida izchil ishlar amalga oshirilmoqda.

“Yashil makon” umummilliy loyihasida yangi bog‘lar, yashil maydonlar tashkil etish bilan birga, ekilgan ko‘chatlarni avaylab-asrab voyaga yetkazish, ularni turli kasalliklardan himoya qilishdan ham iborat.

Forish tuman Obodonlashtirish boshqarmasi jamoasi yangi ko‘chatlar ekish bilan birga ko‘chalar, xiyobonlarga ekilgan daraxtlarni avaylab-asrab voyaga yetkazish va ularni turli kasalliklardan himoya qilish borasida ham ish olib borishmoqda.

Ayni kunda tuman Obodonlashtirish boshqarmasi jamoasi ko‘chalar, xiyobonlardagi dov-daraxtlarni kimyoviy vositalar bilan turli kasalliklarga qarshi ishlov berish ishlarini amalga oshirishmoqda.

Forish tuman hokimligi axborot xizmati.