YANGI O‘ZBEKISTON – YASHIL MAKONDA BIRGA YASHAYLIK!

Forish tumanida “Yangi O‘zbekiston – yashil makonda birga yashaylik!” shiori ostida ko‘chat ekish, bog‘-rog‘lar yaratish, yashil maydonlar tashkil etish borasidagi ishlar davom ettirilmoqda.

“Yashil makon” umummilliy loyihasi doirasida Forish tumani “Oqtepa” mahallasi hududidagi namunaviy uy-joylar massividagi bo‘sh maydonlarga ko‘chat ekish ishlari olib borilmoqda.

Unda tuman Obodonlashtirish boshqarmasi xodimlari, mahalla aholisi faol ishtirok etyapti.

Ushbu massivga hudud sharoitidan kelib chiqib tut, qayrag‘och, terak ko‘chatlari ekilyapti.

Forish tuman hokimligi axborot xizmati.