RESPUBLIKA ISHCHI GURUHI A’ZOLARI FORISH TUMANIDA SAYLOVGA TAYYORGARLIK BORASIDAGI ISHLARNI O‘RGANDI

Respublika Ishchi guruhi a’zolari bugun Forish tumanida bo‘lib, saylovga tayyorgarlik hamda mahallalarda aholini rozi qilish bo‘yicha amalga oshirilayotgan ishlar bilan tanishdi.

Jumladan, “Bog‘don” mahallasida joylashgan Amir Temur nomli 1-umumta’lim maktabida saylov uchastkalari raislari, o‘rinbosarlari va kotiblari bilan tayyorgarlik bo‘yicha amaliy muloqot o‘tkazdi.

Shuningdek, tumanning “O‘zbekiston”, “Xonbandi”, “Oybek” nomli, “Oqtepa” mahallalarida 259-qarorning ijrosini ta’minlash, saylov uchastkalaridagi tayyorgarlik va “Xonbandi” mahallasida tashkil etilgan MSK faoliyati bilan ham tanishib, ko‘rsatma va tavsiyalar berildi.

Zaruriy holatlar bo‘yicha kamchiliklarni bartaraf etish maqsadida sektor rahbarlari tomonidan choralar belgilab olindi.

Forish tuman hokimligi axborot xizmati.