HASHARLAR TASHKIL ETILIB, OBODONLASHTIRISH ISHLARI AMALGA OSHIRILMOQDA

Forish tumanidagi barcha 25 ta mahallalarda ko‘ngilli aholi ishtirokida hasharlar tashkil etilib, obodonlashtirish va ko‘kalamzorlashtirish ishlari amalga oshirilmoqda.

Jumladan, tumanning 4-sektor hududidagi “Xonbandi” mahallasida ham hashar tashkil etilib, obodonlashtirish va ko‘kalamzorlashtirish ishlari amalga oshirildi.

Hashar xalqimizning azaliy qadriyatlaridan. Ota-bobolarimiz hasharlar tashkil etib, kanallar, uy-joylar, yo‘llar bunyod etgani barchamizga ma’lum.

Bugungi kunda xalqimizning azaliy qadriyati bo‘lgan hasharlar yangicha ma’no-mazmun bilan boyib bormoqda.

“Xonbandi” mahallasida tashkil etilgan hasharda mahalla nuroniylari bosh bo‘lishdi, yoshlar esa hasharda mehnat qilishib, obodonlashtirish ishlarini amalga oshirishdi. Shu kuni mahalla yon-atrofi, ariqlar turli chiqindilardan tozalandi. Daraxt tuplari oqlandi.

Forish tuman hokimligi axborot xizmati.