“ENG NAMUNALI MAHALLA RAISI” KO‘RIK-TANLOVINING TUMAN BOSQICHI YAKUNLANDI

Forish tumanidagi 25 ta mahalla fuqarolar yig‘ini raislari o‘rtasida “Eng namunali mahalla raisi” tanlovining tuman bosqichi o‘tkazildi.

Tanlovda tumanning 4-sektor hududidagi “Xonbandi” mahalla fuqarolar yig‘ini raisi Yodgor Ergashev 1-o‘rinni egallab, shu nomdagi tanlovning viloyat bosqichiga yo‘llanma oldi.

Tanlov yakunida “Xonbandi” mahallasiga O‘zbekiston Mahallalar uyushmasi vakili Bahrom Qo‘shboqov, Jizzax viloyat mahallalar uyushmasi boshlig‘i o‘rinbosari Muso Anorboyev, Forish tuman hokimi Ikrom Matiyev tomonidan diplom hamda kompyuter jamlamalari topshirildi.

Forish tuman hokimligi axborot xizmati.