RASMIY MUNOSABAT

Ijtimoiy tarmoqlarda “Jizzax viloyati Forish tumani “Qo‘lba” mahallasi Mixin qishlog‘idan murojaat qilyapmiz. Transformatorimiz eskirib ketgan, simyog‘ochlar avariya holatida. Sal shaboda bo‘lsa chiroq o‘chadi. Elektr tarmoqlari korxonasi holatga e’tibor qaratishini so‘raymiz” deb nomlangan xabar tarqaldi.

Forish tuman elektr tarmoqlari korxonasi tomonidan berilgan ma’lumotga ko‘ra 2024-yil 31-yanvar kuni bo‘lgan kuchli shamol natijasida tumandagi mahallalarda elektr uzatish tarmoqlarida uzilishlar kuzatildi. “Qo‘lba” mahallasi Mixin qishlog‘ini elektr energiyasi bilan ta’minlovchi 110/35/10 kv.li Yangiqishloq ps 10 kvli Uchkuloch havo elektr uzatish tarmog‘ida ham qisqa tutashuv, yerga tok o‘tkazish kabi nosozliklar yuzaga keldi. Ushbu nosozliklar kuz-qish mavsumida tashkil etilgang tezkor ta’mirlash brigadalari tomonidan tezkorlik bilan ta’mirlanib, aholini elektr energiyasi bilan ta’minlash yo‘l qo‘yildi.

Ayni paytda “Qo‘lba” mahallasi Mixin qishlog‘ini elektr energiyasi bilan to‘laligicha ta’minlash ishlari nazoratga olindi.

Forish tuman hokimligi axborot xizmati.