FORISH TUMAN IIB XODIMLARI HAM “YASHIL MAKON” LOYIHASIDA FAOL ISHTIROK ETISHMOQDA

Forish tuman ichki ishlar bo‘limi xodimlari tumanda jinoyatchilikning oldini olish, tinchlik osoyishtalikni saqlash bilan birga Prezidentimiz tashabbusi bilan boshlangan “Yashil makon” umummilliy loyihasida ham faol ishtirok etishmoqda.
Tuman ichki ishlar bo‘limi xodimlari kuchi bilan ichki ishlar bo‘limi binosi yonidagi bo‘sh yer tekislanib, bog‘ yaratishga kirishildi. Unga tuman ichki ishlar bo‘limi barcha shaxsiy tarkibi jalb etildi.
Tuman ichki ishlar bo‘limi xodimlari kuchi bilan bo‘sh turgan yerga 500 tupdan ziyod pavloniya daraxti ko‘chatlari ekishdi.

Ma’lumot uchun, Pavloniya yer sharida mavjud daraxtlardan nafaqat eng tez o‘sishi bilan ajralib turadi, balki xayoliy go‘zallik kashf etib gullashi, qimmatli yog‘och, asal, biomassa manbai ekanligi bilan qadrlanadi, u manzarali daraxt sifatida istirohat bog‘lari, xiyobonlarni bezaydi.

Forish tuman hokimligi axborot xizmati.