NAVOIY VILOYАTINING NUROTA TUMANIDA FORISНLIKLARNING MADANIYАT KUNLARI O‘TKAZILDI

Forish tumani madaniyat boʻlimi tomonidan Oʻzbekiston Respublikasi Vazirlar Mahkamasining 2023-yil 21-iyuldagi 461-F/24-sonli farmoyishining 8-ilovasi 6.4-bandi ijrosini taʼminlash maqsadida Navoiy viloyati Nurota tumani 16-son madaniyat markazida "Madaniyat kunlari" tadbiri tashkil etildi.
Dastlab tadbir ishtirokchilari 16-son madaniyat markazi tomonidan karnay-surnay sadolari bilan tantanali tarzda kutib olindi.

Tadbirda Forish tumani madaniyat boʻlimi tasarrufidagi madaniyat markazlarida faoliyat olib borayotgan "Togʻ shalolasi", "Parvoz" ashula va raqs hamda "Bogʻdon" folklor etnografik xalq ansambllari ijrosida vatanimiz tinchligini, obodligini tarannum etuvchi kuy-qoʻshiqlar, raqslardan tuzilgan konsert dasturi namoyish etildi.

Tadbir yakunida Forish tuman madaniyat boʻlimiga Nurota tumani madaniyat boʻlimining "Tashakkurnoma"si topshirildi.

Forish tuman hokimligi axborot xizmati.