ТОМОРҚА – ДАРОМАД МАНБАИ

Фориш туманида кейинги йилларда аҳоли томорқасидан самарали фойдаланиш учун кенг қулайликлар ва имкониятлар, шарт-шароитлар яратиб берилмоқда.
Бугунги кунда туманнинг “Қизилқум”, “Сайёд”, “Қўлба”, “Ўхум” маҳаллаларида томорқадан самарали фойдаланиб, оиласи фаровонлигини юксалтираётган ва бозорларимиз сероплигига муносиб ҳисса қўшаётган оилалар талайгина.
Туман ҳокимлиги ва бошқа мутасадди ташкилотлар раҳбарлари мунтазам равишда маҳаллаларда аҳоли хонадонларида бўлишиб, томорқадан самарали фойдаланиш даромад манбаи экани юзасидан тушунтириш-тарғибот ишларини олиб боришмоқда.
Фориш туман ҳокимининг ўринбосари, оила ва хотин-қизлар бўлими бошлиғи Элнора Умматова туманнинг 3-сектор ҳудудидаги “Ойбек” номли маҳаллада аҳоли хонадонларида бўлиб, томорқадан самарали фойдаланиш ва томорқачиларга яратилаётган имтиёзлар ҳақида аҳолига тушунчалар берди.

Фориш туман ҳокимлиги ахборот хизмати.