FORISHLIK SPORTCHILAR HAM YUQORI NATIJALARNI QO‘LGA KIRITISHDI

28-31-oktyabr kunlari Toshkent shahridagi “Jar” sport sog‘lomlashtirish markazida Ushu sport turining sanda va taolu yo‘nalishlari bo‘yicha O‘zbekiston kubogi bellashuvlari bo‘lib o‘tdi.

Ushbu bellashuvda 1400 dan ziyod sportchilar ishtirok etishdi.

Mazkur nufuzli musobaqada viloyatimizning Jizzax shahri, Sh.Rashidov, Baxmal, Arnasoy, Do‘stlik, Zafarobod tumanlari sportchilari qatori Forish tumani sportchilari ham ishtirok etishib, yuqori natijalarni qo‘lga kiritishdi.

O‘zbekiston kubogi bellashuvlarida viloyatimiz sportchilari 6 ta oltin, 13 ta kumush, 27 ta bronza medalini qo‘lga kiritib, kuchli uchlikdan joy egalladi.
Sport musobaqalarida yakka kurash sport turlariga ixtisoslashtirilgan sport maktablari sportchi o‘quvchilari faol qatnashdilar.

Forish tuman hokimligi axborot xizmati.