FORISH TUMANINING UZOQ MAHALLALARIDA AHOLIGA SAYYOR DAVLAT XIZMATLARI KO‘RSATILMOQDA

Aholinining og‘irini yengil, uzog‘ini yaqin qilish bugun tumandagi barcha korxona, tashkilot, muassasalar oldida turgan eng muhim vazifalardan biri.
Mahallaning uzoqligi inobatga olinib, barcha xizmatlar aholiga mahallaning o‘zida ko‘rsatilishi yo‘lga qo‘yilgan.

O‘zbekiston Respublikasi Prezidentining “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida” 2024-yil 24-maydagi PF–80-son farmoni ijrosini ta’minlash maqsadida Forish tuman adliya bo‘limi xodimlari tomonidan Navoyi viloyati bilan jegaradosh bo'lgan “Do'stlik” mahallasi hududida istiqomat qiluvchi fuqarolarning huquqiy muammolari o‘rganildi hamda sayyor tartibda davlat xizmatlari ko'rsatildi. Forish tuman Adliya bo‘limi Davlat xizmatlari markazi xodimlari tomonidan 1-sektor hududidagi eng uzoq “Do’stlik” mahallasida aholiga sayyor davlat xizmatlari ko‘rsatildi.

Forish tuman davlat xizmatlari markazi tomonidan joriy yilning o‘tgan olti oyi davomida mahallalarda aholiga 100 dan ziyod sayyor davlat xizmatlari ko‘rsatildi.

Forish tuman hokimligi axborot xizmati.