KURSANT BILAN UCHRASHUV

Forish tumanida joylashgan “Forish tog‘” o‘quv harbiy poligonida xizmat qilayotgan harbiy xizmatchilar bilan O‘zbekiston Qurolli Kuchlari akademiyasi uchinchi bosqich kursanti Nodir Ortiqov bilan uchrashuvi bo‘lib o‘tdi.

 Uchrashuvda harbiy xizmatchilar huzurida Nodir Ortiqov so‘zga chiqib, Qurolli Kuchlar akademiyasidagi o‘qish jarayoni, kursantlarga yaratib berilgan shart-sharoit va imkoniyatlar, har bir yosh ilm olishga, kasb-hunar egallashga astoydil harakat qilishi lozimligi, buning uchun yurtimizda yoshlarga barcha shart-sharoit va imkoniyatlar muhayyo etilgani, Qurolli Kuchlar akademiyasida o‘qish istagida bo‘lgan yoshlar avvalo nimalarga e’tibor berishlari lozimligi haqida batafsil so‘zlab berdi.

Shuningdek, uchrashuv davomida yoshlarga milliy armiyamizni yuksak salohiyatli harbiy kadrlar bilan ta’minlash, armiyamizni zamonaviy qurol-yarog‘lar bilan ta’minlanganligi, milliy armiyamizni kuch-qudratini oshirish borasida amalga oshirilayotgan ishlarga ham to‘xtalib o‘tdi.

Uchrashuvda harbiy xizmatchilar o‘zlarini qiziqtirgan savollar bo‘yicha murojaatlar qilishib, tegishli javob olishdi.

Forish tuman hokimligi axborot xizmati.