FORISH TUMANI “O‘XUM” MAHALLASIDAGI MAKTABLARGA “UYG‘ONISH” RUKNI OSTIDAGI KITOBLAR TO‘PLAMI TOPSHIRILDI

Yoshlar ishlari agentligi tomonidan jahon ilm-fan tamadduniga ulkan hissa qo‘shgan ajdodlarimizning ilmiy merosini ommalashtirish maqsadida “Uyg‘onish” rukni ostida kitoblar to‘plami nashr etilgan edi.

Mazkur to‘plamda Muso al-Xorazmiy, Ahmad al-Farg‘oniy, Imom Ismoil al-Buxoriy, Abu Mansur Moturidiy, Abu Nasr Forobiy, Abu Rayhon Beruniy, Abu Ali ibn Sino kabi jahon ilm-fan tamadduniga ulkan hissa qo‘shgan ajdodlarimiz haqida qimmatli ma’lumotlar o‘rin olgan.

Forish tumani “O‘xum” mahalla fuqarolar yig‘ini hududidagi maktablarga ushbu to‘plamdan bir nusxadan “O‘xum” mahallasiga tayinlangan yoshlar yetakchisi Ibrohim Hamroboyev tomonidan olib borib topshirildi.

Forish tuman hokimligi axborot xizmati.