Davlatimiz rahbari tomonidan “Yashil makon” umummilliy loyihasi e’lon qilingandan so‘ng mamlakatimizda loyiha doirasida daraxt va buta ko‘chatlarini ekish ishlari tobora kengayib bormoqda.
Ushbu jarayonga Forish tumanidagi umumta’lim maktablari, korxona, tashkilot va muassasalar xodimlari ham munosib hissasini qo‘shib, “Yashil makon” umummilliy loyihasi doirasida qator tadbirlar o‘tkazib kelinyapti.
Jumladan, tumanning 2-sektor hududidagi “Ilonli” mahallasida joylashgan 76-umumta’lim maktabi jamoasi tomonidan “Yashil makon” umummilliy loyihasining kuzgi mavsumida maktab hovlisiga hudud iqlimiga mos turli mevali va manzarali daraxt ko‘chatlari hamda terak qalamchalari ekildi.
Forish tuman hokimligi axborot xizmati.