Forish tumanida mahalla yoshlari o‘rtasida “Besh tashabbus olimpiadasi”ning 2-mavsumi doirasida “Zakovat” intellektual o‘yinining tuman bosqichi o‘tkazildi.
Yoshlarning bo‘sh vaqtlarini mazmunli o‘tkazish, iqtidorli va iste’dodli yoshlarni har tomonlama qo‘llab-quvvatlash, ularning intellektual salohiyatini oshirish hamda yoshlar o‘rtasida milliy istiqlol g‘oyasi va birdamlikni ta’minlash maqsadida tashkil etilgan tadbirda tumandagi sektor bosqichida g‘oliblikni qo‘lga kiritgan jamoalar ishtirok etishdi.
Yakuniy natijalarga ko‘ra “Oybek” nomli mahalla yoshlari jamoasi 1-o‘rinni qo‘lga kiritgan bo‘lsa, Amir Temur nomli mahalla yoshlari jamoasi 2-o‘ringa, “Qo‘lba” mahallasi yoshlari jamoasi 3-o‘ringa ega bo‘lishdi.
“Oybek” nomli mahallaning yoshlar jamoasiga hududiy bosqichda omad tilaymiz!
Forish tuman hokimligi axborot xizmati.