YAYLOVLAR HOLATI YAXSHILANIB, YASHIL MAYDONLARGA AYLANMOQDA

Mamlakatimizda ekologik vaziyatni yaxshilash, aholi va cho‘l hududlarini ko‘kalamzorlashtirish, daraxt va butalarni muhofaza qilish hamda yashil maydonlarni kengaytirish maqsadida qator tadbirlar amalga oshirildi va oshirilmoqda.

Xususan, Forish tumanida ham mahallalar aholisi, korxona, tashkilot, muassasalar ishchi-xizmatchilari har yilgidek bu yil ham muhtaram Prezidentimiz tashabbusi bilan boshlangan “Yashil makon” umummilliy harakatining kuzgi mavsumida faol ishtirok etishmoqda.

Ma’lumki, Forish tumanining ko‘p qismi cho‘l va yaylovlardan iborat. “Yashil makon” umummilliy loyihasi doirasida cho‘l va yaylovda ham yashil maydonlar tashkil etish, yaylovlar samaradorligini oshirish borasida bir qator ishlar amalga oshirilmoqda.

Bu borada Forish tuman o‘rmon xo‘jaligi xodimlari yaylovlar samaradorligini oshirish va yashil maydonlar tashkil etish maqsadida tumanning cho‘l va yaylovlariga saksovul, izen ekish ishlarini amalga oshirishmoqda.

Bu bilan tumanning cho‘l hududlari ham yashillikka burkanadi.

Forish tuman hokimligi axborot xizmati.