FORISH TUMANIDA “BO‘SH ISH O‘RINLARI MEHNAT YARMARKASI TASHKIL ETILDI

Forish tumanida tuman kambag‘allikni qisqartirish va bandlikka ko‘maklashish bo‘limi hamda tuman Adliya bo‘limi bilan xamkorlikda “Xonbandi” mahallasida vaqtincha ish bilan band bo‘lmagan yoshlar va xotin-qizlarni ish bilan ta’minlash, ularni kasbga yo‘naltirish maqsadida “Bo‘sh ish o‘rinlari mehnat yarmarkasi” o‘tkazildi.

Mazkur mehnat yarmarkasida tumandagi 16 ta korxona, tashkilot, muassasalar o‘zlarida mavjud bo‘lgan 31 ta bo‘sh (vakant) hamda kvota ish o‘rinlari bilan qatnashdilar.

Yarmarkada 21 nafar ishsiz fuqarolar ishtirok etdi. Ishsiz va vaqtincha ish bilan band bo‘lmagan fuqarolardan 9 nafariga ishga joylashishlari uchun kambag‘allikni qisqartirish va bandlikka ko‘maklashish markazi mas’ul xodimlari tomonidan iqtisodiyotning turli sohalariga yo‘llanmalar berildi. 1 nafar fuqaro kasb-hunarga o‘qitish uchun yo‘naltirildi.

Qolgan fuqarolarga me’yoriy hujjatlar bo‘yicha tushuntirish hamda huquqiy maslahatlar berildi.

Forish tuman hokimligi axborot xizmati.