DAVRA SUHBATI TASHKIL ETILDI

Forish tuman ma’naviyat-ma’rifat markazida probatsiya guruhi bilan hamkorlikda ilgari bilib-bilmay adashib jinoyat yo‘liga kirib qolgan, to‘g‘ri yo‘ldan adashib huquqbuzarlik sodir etgan sudlanganlar, hozirda ochiq tarzda jazo o‘tayotgan mahkumlar bilan davra suhbati tashkil etildi.

Davra suhbatida ishtirokchilarga yurtimizda amalga oshirilayotgan islohotlar, aholi turmush farovonligini yuksaltirish borasida amalga oshirilayotgan ishlar haqida batafsil ma’lumotlar misollar asosida tushuntirib berildi.

Shuningdek, davra suhbatida ma’naviyat yengilmas kuch ekani, muhtaram Prezidentimiz tomonidan ma’naviyat-ma’rifatni yuksaltirish borasida berilayotgan e’tibor haqida ham ma’lumotlar berildi.

Tadbir ishtirokchilari tuman ma’naviyat-ma’rifat markazida Oliy Majlis jamoat fondi loyihasi doirasida tashkil etilgan kutubxona, bu yerga jamlangan badiiy va ilmiy adabiyotlar bilan ham tanishtirildi.

Forish tuman hokimligi axborot xizmati.