FORISHLIK TAEKVANDOCHILAR XALQARO MUSOBAQADA YUQORI NATIJALARNI QO‘LGA KIRITISHDI

Namangan viloyati Namangan shahrida taekvandoning VT-yo‘nalishi bo‘yicha 9 ta davlat taekvandochilari ishtirokida xalqaro musobaqa bo‘lib o‘tdi.

Mazkur xalqaro musobaqada O‘zbekiston, Qozog‘iston, Qirg‘iziston, Tojikiston, Janubiy Koreya, Rossiya, Tayland, Malayziya va AQShdan kelgan sportchilar maydonga tushib o‘zaro bellashdilar.
Ushbu musobaqada Forish tumanidagi “Bekpo‘lat” taekvon-do klubi va tuman sport maktabidan jami 14 nafar taekvandochilar mamlakatimiz sharafini himoya qilishdi.

Musobaqa yakuni bo‘yicha Forishlik sportchilarning 6 nafari 1-o‘rinni, 4 nafari 2-o‘rinni, 4 nafari 3-o‘rinni qo‘lga kiritishdi.
Forish tuman hokimi Ikrom Matiev Forishlik sportchi yoshlarni qutlab, nufuzli xalqaro musobaqada yuqori natijalarni qo‘lga kiritishgani uchun ularga samimiy minnatdorchilik bildirib, kelgusi musobaqalarda yanada yuqori o‘rinlarni qo‘lga kiritishlariga ishonch bildirdi.

Forish tuman hokimligi axborot xizmati.