FORISh TUMANIDA IChKI IShLAR ORGANLARI XODIMLARI ShARAFLANDI
25 oktyabr – Ichki ishlar organlari xodimlari kuni munosabati bilan Forish tumanida bayram tadbir uyushtirildi.
Tadbirda tuman hokimi Ikrom Matiyev O`zbekiston Respublikasi Prezidentining soha vakillariga yo`llagan bayram tabrigini o`qib eshittirdi. Shuningdek, tatbirda tuman IIB boshligi Qahramon Nazarov tadbir ishtirokchilariga ichki ishlar vazirining bayram tabrigini yetkazdi.
Tadbirda sohada amalga oshirilgan islohotlar, zamonaviy texnik vositalar bilan ta’minlash, xizmat sharoitini yaxshilash borasidagi ishlar xususida ham so`z bordi. Yuksak bilim va professional ko`nikmalarga ega vatanparvar xodimlarning tinchlik va osoyishtalikni ta’minlash yo`lidagi xizmatlari e’tirof etildi.
Bir guruh soha vakillari tuman hokimligi, tuman prokuraturasi hamda boshqa idoralar tomonidan faxriy yorliq va qimmatbaho sovgalar bilan taqdirlandi.
Forish tuman hokimligi axborot xizmati.