BILIMLAR VA MAHORAT SINOVI

Forish tumani 1-sektor hududidagi “O‘xum” mahallasida “Besh tashabbus olimpiadasi” ikkinchi mavsumi doirasida mahalla yoshlari o‘rtasida milliy va zamonaviy cholg‘u ijrochiligi bo‘yicha tanlovning mahalla bosqichi o‘tkazildi.

Tanlovda mahalla yoshlari o‘zlari o‘rgangan musiqa asboblarida o‘zbek va tojik xalqlari milliy va zamonaviy musiqalarini ijro etishib, o‘z mahoratlarini namoyish etishdi.

Shuningdek, “O‘xum” mahalla yoshlari o‘rtasida yoshlar bilim saviyalarini aniqlash maqsadida “Zakovat” intellektual o‘yini ham o‘tkazildi. Unda mahalla yoshlaridan tashkil topgan 14 ta jamoalar bellashishdi.

Tanlov va bilimlar bellashuvi yakuni bo‘yicha 1 tadan g‘oliblarga sektor bosqichida ishtirok etish uchun yo‘llanmalar berildi.

Forish tuman hokimligi axborot xizmati.