ЁШЛАР КУНИ БАЙРАМ ТАДБИРИ

Юртимизда ёшлар масаласи ҳар доим давлат сиёсати даражасидаги муҳим масала бўлиб келган. Сўнгги йилларда ёш йигит-қизларимиз учун яратилаётган кенг кўламдаги имконият ва шарт-шароитлар уларнинг ўқиб-ўрганишлари, қизғин фаолият кўрсатишлари учун қаратилаётган эътибор ва ғамхўрлик нафақат юртдошларимиз, балки дунё ҳамжамиятини ҳам ўзига жалб этмоқда.
30 июнь – Ёшлар куни муносабати билан Фориш туманида ҳам бир қатор тадбирлар ташкил этилди. Жумладан, туманнинг 3-сектор ҳудудидаги “Эгизбулоқ” маҳалласида жойлашган 32-сон “Чаманзор” маданият маркази томонидан маҳалла ёшлари учун 30 июнь – Ёшлар куни муносабати билан “Ёшлар оқшоми” байрам тадбирини ташкил этди.
Тадбир давомида концерт дастури ҳамда ёшлар иштирокида қизиқарли ўйинлар ташкил этилди.
Фориш туман ҳокимлиги ахборот хизмати.