ФОРИШ ТУМАНИДА МАКТАБ БИТИРУВЧИЛАРИГА ОЛТИН ВА КУМУШ МЕДАЛЛАР ТОПШИРИЛДИ

Фориш туманидаги 18-сон болалар мусиқа ва санъат мактабида тумандаги умумтаълим мактабларини 2022-2023 ўқув йилини аъло баҳоларга битирган 11-синф ўқувчиларига олтин ва кумуш медалларни тантанали топшириш тадбири бўлиб ўтди.
Тадбирни туман ҳокимининг ёшлар сиёсати, ижтимоий ривожланиш ва маънавий-маърифий ишлар бўйича ўринбосари Абдуманнон Саидхонов кириш сўзи билан очди.
Шундан сўнг туман мактабгача таълим ва мактаб таълими бўлими мудири Собир Ваққосов сўзга чиқиб, ёшларнинг илм олиш, касб-ҳунар эгаллаш борасида яратилган шарт-шароит ва имкониятлар ҳақида батафсил сўз юритди.
Тадбирда мактабни аъло баҳоларга томомлаган истеъдодли ёшлар, уларнинг ота-оналари, устоз мураббийлари, зиёлилар иштирок этди.
Тадбирда тумандаги умумтаълим мактабларини 2022-2023 ўқув йилини аъло баҳоларга битирган 20 нафар ўқувчиларга олтин, 3 нафар ўқувчиларга эса кумуш медаллар топширилди.
Фориш туман ҳокимлиги ахборот хизмати.