МАЪНАВИЯТ ТАРҒИБОТЧИЛАРИ ФОРИШ ТУМАНИНИНГ “ЎЗБЕКИСТОН” МАҲАЛЛАСИДА ЖОЙЛАШГАН “ДОНА ТЕХТИЛ МОДА” КОРХОНАСИДА МЕҲНАТ ҚИЛАЁТГАН ЁШЛАР ФАОЛИЯТИ БИЛАН ТАНИШИШДИ

30 июнь – “Ёшлар куни” муносабати билан Фориш туманига ташриф буюрган маънавият тарғиботчилари Фориш туманининг “Ўзбекистон” маҳалласида жойлашган “Дона техтил мода” корхонасида меҳнат қилаётган ёшлар ва “Аёллар дафтари”га киритилган хотин-қизлар меҳнат фаолияти билан танишдилар.
Бу ерда ишлаб чиқарилаётган замонавий трикотаж буюмларини кўздан кечиришиб, ишлаб чиқарилаётган маҳсулотларга юқори баҳо беришди.
Учрашув давомида Ўзбекистонда хизмат кўрсатган артист Ёдгора Зиёмуҳаммедова, Ўзбекистонда хизмат кўрсатган артист Фарида Умарова, Ўзбекитон давлат филармонияси хонандаси Озода Ёрова ва Республика маънавият ва маърифат маркази масъул ходими Алишер Азимовлар иштирок этишиб ёшлар ва “Аёллар дафтари”га киритилган хотин-қизлар билан дилдан суҳбат қуришди.
Фориш туман ҳокимлиги ахборот хизмати.