ФОРИШ ТУМАНИДА “АЁЛЛАР ДАФТАРИ”ГА КИРИТИЛГАН ХОТИН-ҚИЗЛАР ҚЎЛЛАБ-ҚУВВАТЛАНМОҚДА

Фориш туманида “Аёллар дафтари”га киритилган хотин-қизлар ҳар томонлама қўллаб-қувватлаш, улар бандлигини таъминлаш ва оилалар фаровонлигини ошириш мақсадида туман ҳокимлиги ва маҳаллаларга тайинланган ҳоким ёрдамчилари томонидан тизимли ишлар амалга оширилмоқда.
Жумладан, туманнинг 4-сектор ҳудудидаги “Учқулоч” маҳалласида ҳам бир қатор ишлар амалга оширилди. Маҳаллада яшовчи Фарангиз Шукурова ва Шаҳноза Атамуратовалар “Аёллар дафтари”га киритилган. Уларни ҳар томонлама қўллаб-қувватлаш ва бандлигини таъминлаш мақсадида ҳоким ёрдамчиси томонидан субсидия асосида ҳар икковига ҳам тикув машинкалари олиб берилди. Эндиликда улар тикувчилик билан шуғулланиб ўз оилалари фаровонлигини таъминлашади.

Фориш туман ҳокимлиги ахборот хизмати.