ФОРИШ ТУМАНИДА МАҲАЛЛАЛАРДА ИЧКИ ЙЎЛЛАРНИ ТАЪМИРЛАШ ИШЛАРИ ОЛИБ БОРИЛМОҚДА

Айни кунда Фориш туманида маҳаллалар инфратузилмасини яхшилаш, аҳолига қулай турмуш шароитлари яратиш борасидаги ишлар тизимли равишда амалга оширилмоқда.
Фориш тумани 3-сектор ҳудудидаги “Ойбек” номли маҳалланинг янгидан якка тартибда уй-жойлар бунёд этилган массиви аҳолиси туман ҳокимига массивнинг Зафаробод кўчасини таъмирлашда амалий ёрдам сўраб мурожаат қилишган эди.
Аҳолининг мурожаатини тезда ҳал этиш чора-тадбирлари белгиланди. Айни кунда Фориш туман ободонлаштириш бошқармаси ва туман автомобил йўллардан фойдаланиш давлат унитар корхонаси томонидан “Ойбек” номли маҳалланинг Зафаробод кўчасини кенгайтириш, қум-шағал тўкиб текислаш ишларини олиб боришмоқда.

Фориш туман ҳокимлиги ахборот хизмати.