МАКТАБ УЧУН ҚЎШИМЧА БИНО БУНЁД ЭТИЛМОҚДА

Фориш тумани, 3-сектор худудидаги “Оқтепа” маҳалласида жойлашган 30-умумтаълим мактабига айни кунда 2 қаватли, 180 ўринга эга бўлган қўшимча бино қурилиши жадаллик билан олиб борилмоқда.
Фориш туманида кейинги йилларда мактаб таълимини ривожлантириш, ўқувчилар сони кўп бўлган умумтаълим мактаблари учун қўшимча бинолар бунёд этиш борасида бир қатор ишлар амалга оширилиб келинмоқда. Биргина ўтган йилнинг ўзида 14 та умумтаълим мактаблари учун қўшимча бинолар қуриб фойдаланишга топширилди.
“Оқ тепа” маҳалласида бунёд этилаётган 2 қаватли қўшимча бино янги ўқув йилида ишга туширилиб, 180 нафар ўқувчиларни ўз бағрига олади.

Фориш туман ҳокимлиги ахборот хизмати.