ФОРИШ ТУМАНИ “ҚОРААБДОЛ ОТА” МАҲАЛЛАСИДА МАҲАЛЛА БИНОСИ ФОЙДАЛАНИШГА ТОПШИРИЛДИ

Фориш туман прокурори, 2-сектор раҳбари Икром Нарзиев раҳбарлик қилаётган 2-сектор ҳудудидаги “Қораабдол ота” маҳалласида маҳалла биносининг фойдаланишга топшириш маросими бўлиб ўтди.
Очилиш маросимида Фориш туман ҳокими Икром Матиев сўзга чиқиб, маҳаллалар инфратузилмасини яхшилаш, аҳоли муаммоларини ҳал этиш, тумандаги маҳалла фуқаролар йиғинлари моддий-техник базаларини мустаҳкамлш борасида амалга оширилаётган ишларга тўхталиб ўтди.
Шунингдек, тадбирда меҳнат фахрийси Жолғош Абдураҳмонов ҳам сўзга чиқиб, маҳалла аҳлига мана шундай имкониятлар яратиб берилаётгани учун ўзининг миннатдорчилигини изҳор этди.
“Қораабдол ота” маҳалласи биноси “VERBUD” масъулияти чекланган жамияти қурувчилари томонида қисқа муддатда тез ва сифатли амалга оширилди. Мазкур бинони бунёд этиш учун 571 миллион сўмдан зиёд маблағ сарфланди. Бу ерда маҳалла ходимларини ишини ташкил этиш, фуқароларни қабул қилиш, улар муаммосини ҳал қилиш учун шарт-шароит ва имкониятлар яратилган.
Шундан сўнг туман ҳокими Икром Матиев “VERBUD” масъулияти чекланган жамияти раҳбарига маҳалла аҳли совғасини топширди. Тадбир сўнгида қизил алвон лента қирқилиб, тадбир иштирокчилари бу ерда маҳалла мутасаддилари ва аҳолига яратилган шарт-шароитлар билан яқиндан танишдилар.

Фориш туман ҳокимлиги ахборот хизмати.